بيومى فؤاد: مبقدرش أقف لمدة دقيقتين و مافيش وقت اتعالج

 أطلق الفنان بيومي فؤاد العديد من التصريحات من خلال برنامج صاحبة السعادة وهي التصريحات التي دفعت به لقائمة الترند على مواقع التواصل الاجتماعي، حيث كشف عن حالته الصحية قائلا: "بسبب السمنة عندى مشكلة في رجلى مبقدرش أقف لمدة دقيقتين، لأن فيه وريد في الضهر بيوصل الدم لرجلى لما بطوّل في الوقوف بيضيق وبيخلى الدم يقل في رجلي، ومبقدرش أقف ولازم أقعد، وتواصلت مع دكاترة من برا، ولكن مفيش وقت عشان أسافر وأروح لهم".

فيما علق الفنان بيومي فؤاد، على مقارنته بالراحل الفنان حسن حسنى: "مش بتكلم على نجم كبير رحمة الله عليه حسن حسنى.. لو بيومى عمل دور كان مترشح له حسن حسنى هيعمله ليه.. وأجرى أنا قد إيه وهو قد إيه".

وأضاف خلال حواره مع الإعلامية إسعاد يونس عبر برنامجها صاحبة السعادة المذاع على قناة دى إم سى: "أكتر مدرسة كوميدية لسمير غانم وسعيد صالح عندهم عشوائية وبلا منطق وبحبها جدا، ولكن كوميديا عادل إمام ومحمد صبحي مدروسة".

وعن نصح الزعيم عادل إمام له في قبول الأعمال، قال: "الزعيم قال لى خلى كلمة لا لما تقولها، تقولها بقوة مش بتردد، وذلك بسبب أن أنا كنت بشتكى له على الأعمال الكثيرة اللى بعملها وبأجر قليل